Ойрын 40 жилд биднийг юу хvлээж байна вэ?

"TechCast" төслийн хvрэээнд судлаачдын баг ойрын 10 жилд хvн төрөлхтний хөгжилд тохиолдох магадлал өндөртэй vйл явдлуудын жагсаалтыг гаргажээ.

Судлаачдын тооцоолсноор, 2010 оноос хойш цахилгаан төхөөрөмж, мэдээллийн системийн хөгжлийн vйл явц эрчимтэй хэвээр байх аж. Төрөл бvрийн цахилгаан төхөөрөмжvvд бий болж, мэдээлийн сvлжээ улам өргөссөөр байх гэнэ. Мөн хvнд хувийн цахилгаан туслагч бий болох магадлал өндөр байгаа аж. Мэдээллийн технологийн төхөөрөмж, энэ төрлийн хэрэгслvvдийн vнэ эрс буурч "Microsoft" зэрэг томоохон корпорациудад олон тооны өрсөлдөгч гарч ирэн мэдээлэл, харилцаа шинэ технологийн салбарт ширvvн өрсөлдөөн болохыг ч шинжээчид урьдчилан тогтоогоод буй аж. Хөгжим, кино, зурагт, тайз дэлгэцийн зах зээлд эргэлт гарч, тэсрэлт буух гэнэ.
2020 оноос хойш шинэ технологийн өндөр хөгжлийн шинэ эрин ирэхийг шинжээчид тодорхойлжээ. Мөн энэ vед хvрээлэн буй орчинд хор хөнөөлгvй, аюулгvй цахилгаан эрчим хvчний салбар, ногоон бизнес эрчимтэй хөгжиж, хvний амьдралын нөхцөл байдлыг сайжруулах олон талын vйл ажиллагаа эрчимтэй хөгжин хэрэгжихийг тэд онцолсон байна. Хvн төрөлхтөн эрлийзжvvлсэн автомашин ихээр хэрэглэх болно. Компьютер, биотехнологи хөгжлийн ид цэцэглэлтийн vедээ байх тул анагаахын салбарт шинэ эрин vе ирнэ. Тиймдээ ч хvний ДНК-г нарийвчлан тодорхой судлах боломжтой болж, дотоод эрхтнvvдийг хуулбарлан бvтээдэг болох магадлал өндөр байгаа аж.

2030 оны vед боловсролын салбарт онцгой өөрчлөлтvvд гарч цахилгаан туслагч хамгийн эрэлттэй, хэрэгцээт төхөөрөмж байх аж. Сансрын аялал өргөн дэлгэрч, 2028 он гэхэд саран дээр тогтмол байх нийтийн байр байгуулна. Удалгvй хvн төрөлхтөн Ангараг дээр ч чөлөөтэй буудаг болох гэнэ. Сансар огторгуй дэлхийн эдийн засгийн бvрэлдэхvvн хэсэг болно.

2030 он гарснаас хойш авто замын хөдөлгөөн, агаарын тээвэр ямар ч аюулгvй болно гэж мэргэжилтнvvд vзсэн байна. Тvvнээс гадна хувийн машинаар зорчдог байсан хvмvvс хувийн нисдэг төхөөрөмжийг илvvд vзэх болно. Агаарын нислэг, галт тэргvvд хvний санаанд багтамгvй их хурдаар тээвэрлэлт хийдэг болох аж. Цөмийн эрчим хvчний салбарт ч чанарын өөрчлөлт гарч, vйлдвэржилтийн хямралаас ангижрах гэнэ. Гэхдээ экологийн хямрал нvvрлэж, хvйтэн зэвсэгтэй холбоотой ёс суртахуун, соёл хvмvvжлийн асуудал хурцдаж, дэлхийн хямралыг өдөөх төлөвтэй байгаа юм байна.

2040-2050 онд дэлхий дахин нэгдэж Европын холбоо юмуу АНУ-ын улстөрийн систем, бvтэц зохион байгуулалтыг санагдуулам нэг том гvрэн шиг болсноор дээр дурдсан хямралуудыг эрчимтэй багасгаж чадах ажээ. Хvн амын өсөлт эрс нэмэгдэж, олон улсын терроризмын хvч суларч эхлэх гэнэ.

13:22 - 2012-04-08 - Сэтгэгдэл бичих